Quannu l'omu è d'anni vinti...
...jetta càuci e dugna spinti.

Quannu l'omu è d'anni trenta...
...cu tutti s'apprisenta

Quannu l'omu è d'anni quaranta...
...non crisci e non manca.

Di cinquanta, 'i bon matinu
s'alza all'offiziu divinu.

Quannu l'omu è sissantinu...
...avi un mali ogni matinu

Quannu l'omu è sittantinu...
...mancia assai e bivi vinu.

Quannu l'omu è ottantinu...
...cci ristau un sulu caninu.

Quannu l'omu è novantinu...
... vòli chiamatu lu parrinu.

Quannu l'omu è 'ntè cent'anni...
...cci passaru tutti l'affanni.

Me nannu si 'ccattau un purcidduzzu
pi si fari trenta metri di sasizza;
'u purcedduzzu si jttau 'ntò puzzu,
me nannu si pilava li mustazza.

E comu fazzu senza purcedduzzu?...
E comu fazzu?... Mi pilu li mustazza!
Lassu i mustazza e scinnu 'ntò puzzu,
pi mi pigghiari lu purcedduzzu.

Pigghiò 'na scala e scinniu 'ntò puzzu
cu na corda 'ttacco 'u purcedduzzu,
poi lu tirò fora di lu puzzu
e si fici trenta metri di sasizza.